သရက်ထောင်ကနီ ၁၃၊၁၊ ၂၀၁၂ ရက်နိက နိုင်ငံရေး အကျဉ်းသား အားလုံးစုစုပေါင်း (၁၀၄) ယောက် လွတ်မြောက်လာရေ အထဲမှာ ကျနော်ရို့ ရခိုင်ပြည်နယ်၊ စစ်တွေမြို့၊ ဗုဒ္ဓ၀ိဟာရကျောင်းတိုက်မှာ သီတင်းသုံးပြီးကေ အချေတိ အယောက် ၁၀၀ လောက်ကို မိဘမဲ့ ဂေဟာဖွင့်ပနာ ၊သမိုင်းသုတေသီ အလုပ်တိကို လုပ်ကိုင်ယင်းနန့် ၂၀၁၀ ခုနှစ် ဇူလိုင်လ (၂၇) ရက်နေ့မှာ အဖမ်းခံရပါရေ။ ယင်းဆရာတော်ရေ မာတုကာမနန့် ဖောက်ပြန်မှု၊ အလောင်းဖျောက်မှု၊ ဗွီဒီယို ဥပဒေမှု၊ နိုင်ငံခြား တရားဝင် ငွေကြေးကိုင်ဆောင်မှုတိနန့် မတရား အစွဲခံရပြီးကေ ထောင်ဒဏ် ၈ နှစ် အချခံခရပါရေ။ ဆရာတော်ရေ မြန်မာနိုင်ငံ အစိုးရ၏ လွတ်ငြိမ်းချမ်းသာခွင့်နန့်အတူ ပြည်လည် လွတ်မြောက်လာပါရေလို့ သတင်းရဟိပါရေ၊ နောက်ထပ် တက်ကြွ ရခိုင်လူငယ်တိထဲက တချို့လည်း လွတ်လာကတ်ယာလို့ သတင်းရဟိပါရေ။ ယင်းအထဲမှာ တချို့ကို ကျနော်ရီု့လေးဝတီက စုံစမ်းတုန်းပါသိ့မ်။ ကိုခိုင်ကျော်မိုး၊ ကိုထွန်းလင်းကျော်၊ ကိုနိုင်စိုး(ခေါ်) မဲလုံး၊ ကိုကျော်စံသိန်း၊ ကိုဇော်ထွန်းနိုင်၊ ကိုအောင်မိုးဇော်၊ ကိုကျော်ဝင်း၊ ကိုမောင်နိုင်စိုး၊ ကိုအောင်နိုင်၊ ကိုရဲထက်စိုးနန့် တခြား လူတိစော် ထောင်ထဲမှာ အသီသီ အဖမ်းခံနီရရေ လူတိဖြိုက်ပါရေ။ အေလူတိထဲက တချို့တ၀က်လွတ်လာကတ်ယာလို့ သတင်းရဟိပါရေ။
..........................................
လေးဝတီ
